Les mots surlignés font l'objet d'une note
1Monseigneur, par le pacquet qu’envoyates à monseigneur de Vennes,
2je receu une lettre de votre segnorie du XVIII du present et quant
3à monsieur le chantre, je le satisferey à ce que mandés. J’ey escript
4à vous rantiers de Bully et Arbigny. Mondit sieur de Vennes et
5monsieur de Laval partirent vandredy matin à cinq heures en
6bonne santé et alegresse. De vous aultres affaires de par-deçà sont
7en bon estat. Hyer mecredy matin, estant icy arrivé ung homme
8de monsieur le procureur Girard pour raison d’ung procès qu’il a contre
9les Reynaulx, comme je fus sur le ponct du Rosne à
10huict heures de matin, trouvey qu’on fermoit les portes de ville
11et levarent le pont-levis ; et par quelques-ungs qui en
12sont sortis, m’ont dit que c’est pour raison d’ung corrier
13qui seroit arrivé de la court portant nouvelles à monseigneur
14le gouverneur dudit Lyon comme on auroit tué monsieur
15l’admiral, monsieur de La Rocheffocaud, son fils monsieur de
16Roquemord, monsieur de Ligny, monsieur de Pilles et aultres
17de marque et qu’il y a heu grand tuerie et que monsieur
18de Guyse a esté blessé et que ladite execution a esté faicte
19dans Paris. La crie a esté faicte audit Lyon à ceulx
20de la religion ne bouger de leurs maisons et croy que
21grand nombre des catholiques prennent les armes, qu’est
22tout ce que s’en dit presentement. Pryant Dieu,
23Monseigneur, donner à vostre segnorie en très parfaicte santé très longue
24et très heureuse vie. De Saint-Saphorien, ce jeudy XXVIII d’aoust 1572.
25Votre très humble à jamais très hobeyssant
26serviteur
27Yvonet